ಹೊಸ ಉದ್ಯೋಗ ಹುಡುಕುವುದು ಕಠಿಣ. ಆದರೆ, ದೊರಕಿರುವ ಉದ್ಯೋಗ ಉತ್ತಮವೇ ಅಥವಾ ಉತ್ತಮವಾಗಿಲ್ಲವೇ ಎಂದು ನಿರ್ಧರಿಸುವುದು ಇನ್ನಷ್ಟು ಕಷ್ಟದ ವಿಷಯ. ಹೊಸ ಉದ್ಯೋಗದ ಆಫರ್‌ ಬಂದಾಗ ಈ ಮುಂದಿನ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಿರಿ.
* ಜವಾಬ್ದಾರಿ: ಹೊಸ ಕಂಪನಿಯು ನಿಮಗೆ ನೀಡಿರುವ ಹುದ್ದೆ ಮತ್ತು ಜವಾಬ್ದಾರಿಗಳನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಿ. ಜೊತೆಗೆ, ಆ ಜವಾಬ್ದಾರಿ ಹೊರಲು ನೀವು ಸೂಕ್ತವಾಗಿದ್ದೀರಾ ಎಂದು ನಿರ್ಧರಿಸಿಕೊಳ್ಳಿರಿ.
* ಕಂಪನಿಯ ಹಣಕಾಸು ಆರೋಗ್ಯ: ಹಣಕಾಸು ಪರಿಸ್ಥಿತಿ ಉತ್ತಮವಾಗಿಲ್ಲದ ಕಂಪನಿಗೆ ಉದ್ಯೋಗಕ್ಕೆ ಸೇರಿದರೆ ನಿಮ್ಮ ಕರಿಯರ್‌ಗೆ ಕೆಟ್ಟದಾಗಬಹುದು. ಹೀಗಾಗಿ, ಉದ್ಯೋಗಕ್ಕೆ ಸೇರುವ ಮೊದಲು ಕಂಪನಿಯ ಹಣಕಾಸು ಸ್ಥಿತಿಗತಿ ತಿಳಿದುಕೊಳ್ಳಿ.
* ಕಂಪನಿಯ ಬ್ರ್ಯಾಂಡ್‌ ಮೌಲ್ಯ: ಸರಾಸರಿ ಗುಣಮಟ್ಟದ ಅಥವಾ ಸರಾಸರಿಗಿಂತ ಕೆಳಮಟ್ಟದ ಬ್ರ್ಯಾಂಡ್‌ ಮೌಲ್ಯ ಇರುವ ಕಂಪನಿಗೆ ಸೇರುವುದು ನಿಮ್ಮ ಕರಿಯರ್‌ಗೆ ಹಾನಿ ಉಂಟುಮಾಡಬಲ್ಲದು.
* ವೇತನ: ಕರಿಯರ್‌ ಆಯ್ಕೆ ಮಾಡಿಕೊಳ್ಳುವಾಗ ನೀವು ಪ್ರಮುಖವಾಗಿ ಗಮನದಲ್ಲಿಟ್ಟುಕೊಳ್ಳಬೇಕಾದ ಅಂಶವಿದು. ತಿಂಗಳ ಕೊನೆಗೆ ಕೈಗೆ ಎಷ್ಟು ವೇತನ ದೊರಕುತ್ತದೆ ಎನ್ನುವುದನ್ನೂ ತಿಳಿದುಕೊಳ್ಳಿರಿ.
* ಉದ್ಯೋಗಿಗಳಿಗೆ ದೊರಕುವ ಪ್ರಯೋಜನಗಳು ಮತ್ತು ಸೌಕರ್ಯಗಳು: ವಿಮೆ, ಅನಾರೋಗ್ಯ ರಜೆಗಳು, ಆರೋಗ್ಯ ವಿಮೆ ಇತ್ಯಾದಿ ಸೌಲಭ್ಯಗಳು ಇವೆಯೇ ಎಂದು ತಿಳಿದುಕೊಳ್ಳಿ.
* ತರಬೇತಿ ಮತ್ತು ಅಭಿವೃದ್ಧಿ: ನಿಮಗೆ ಕಂಪನಿಯಲ್ಲಿಪ್ರಗತಿ ಕಾಣಬೇಕಾದರೆ ಕಂಪನಿಯು ವಿವಿಧ ತರಬೇತಿ ಮತ್ತು ಅಭಿವೃದ್ಧಿ ಕಾರ್ಯಕ್ರಮಗಳನ್ನು ನಡೆಸಬೇಕು. ನಿಮಗೆ ಉದ್ಯೋಗದ ಆಫರ್‌ ನೀಡಿದ ಕಂಪನಿಯಲ್ಲಿಅಂತಹ ಟ್ರೇನಿಂಗ್‌ ಮತ್ತು ಡೆವಲಪ್‌ಮೆಂಟ್‌ ಕಾರ್ಯಕ್ರಮಗಳು ನಡೆಯುತ್ತವೆಯೇ ತಿಳಿದುಕೊಳ್ಳಿ.
* ಕೆಲಸ- ಜೀವನ ಸಮತೋಲನ: ಯಾವುದೇ ಉದ್ಯೋಗವು ನಿಮ್ಮ ವೈಯಕ್ತಿಕ ಜೀವನವನ್ನು ಹದಗೆಡಿಸುವಂತೆ ಇರಬಾರದು.
* ಈಗಿನ ತಂಡ ಮತ್ತು ಬಾಸ್‌: ನೀವು ಯಾರ ಅಧೀನದಲ್ಲಿಕೆಲಸ ಮಾಡಬೇಕು ಮತ್ತು ತಂಡದಲ್ಲಿಯಾರೆಲ್ಲಇದ್ದೀರಿ ಎನ್ನುವುದನ್ನು ತಿಳಿದುಕೊಳ್ಳುವುದು ಮುಖ್ಯವಾಗುತ್ತದೆ.
* ಕಂಪನಿಯ ಪ್ರಗತಿಯ ದರ: ಕಂಪನಿಯ ಉದ್ಯೋಗಿಗಳ ಸಂಖ್ಯೆ, ಆದಾಯ/ವಹಿವಾಟು ಪ್ರಗತಿಯ ದರ ಇತ್ಯಾದಿಗಳನ್ನು ತಿಳಿದುಕೊಳ್ಳಿ. ಉತ್ತಮ ಪ್ರಗತಿ ಇರುವ ಕಂಪನಿಗೆ ಸೇರಿದರೆ ನಿಮ್ಮ ಕರಿಯರ್‌ ಪ್ರಗತಿಯು ಉತ್ತಮವಾಗಿರುತ್ತದೆ.
* ಅಟ್ರಿಷನ್‌ ದರ: ಕಂಪನಿಯಿಂದ ಕೆಲಸ ಬಿಡುವ ಉದ್ಯೋಗಿಗಳ ಪ್ರಮಾಣವನ್ನೂ ತಿಳಿದುಕೊಳ್ಳಿ. ಕೆಲಸ ಬಿಡುವವರ ಪ್ರಮಾಣ ಹೆಚ್ಚಿದ್ದರೆ ಅಲ್ಲೇನೋ ಸರಿ ಇಲ್ಲಎಂದುಕೊಳ್ಳಬಹುದು.
* ಕಲಿಕೆಯ ಅವಕಾಶಗಳು: ಕೆಲಸದ ಸಮಯದಲ್ಲಿನಿಮಗೆ ಏನು ಕಲಿಯಬಹುದು ಎನ್ನುವುದನ್ನು ತಿಳಿದುಕೊಳ್ಳಿ. ಕಲಿಕೆಯ ಅವಕಾಶ ಉತ್ತಮವಾಗಿದ್ದರೆ ಆ ಉದ್ಯೋಗಕ್ಕೆ ಸೇರಬಹುದು.
* ಕೆಲಸದ ಸಂಸ್ಕೃತಿ ಮತ್ತು ವಾತಾವರಣ: ಕೆಲವೊಂದು ಕಂಪನಿಗಳು ಉತ್ತಮ ಕೆಲಸದ ಸಂಸ್ಕೃತಿಯಿಂದ ಹೆಸರು ಮಾಡಿರುತ್ತವೆ. ಇನ್ನು ಕೆಲವು ಕಂಪನಿಗಳು ಉದ್ಯೋಗಿಗಳನ್ನು ನಡೆಸಿಕೊಳ್ಳುವ ರೀತಿ ಕೆಟ್ಟದಾಗಿರುತ್ತವೆ. ನಿಮ್ಮ ಸಂಭಾವ್ಯ ಉದ್ಯೋಗದಾತರ ಕೆಲಸದ ಸಂಸ್ಕೃತಿಯನ್ನು ಅರಿತು ಮುಂದುವರೆಯಿರಿ.
* ಪ್ರಯಾಣ: ನಿಮ್ಮ ಮನೆಗೂ ಆ ಕಂಪನಿಗೂ ಇರುವ ದೂರ, ಮನೆ ಬದಲಾಯಿಸಬೇಕಾದ ಅವಶ್ಯಕತೆ, ಅಲ್ಲಿನ ಖರ್ಚುವೆಚ್ಚ ಇತ್ಯಾದಿಗಳನ್ನು ತಿಳಿದುಕೊಳ್ಳಿ.
* ಉದ್ಯೋಗದಾತರ ಬಗ್ಗೆ: ಈ ಹಿಂದೆ ಕಂಪನಿಯಲ್ಲಿಕೆಲಸ ಮಾಡುತ್ತಿದ್ದ ಉದ್ಯೋಗಿಗಳಲ್ಲಿಆ ಕಂಪನಿಯ ಬಗ್ಗೆ ಯಾವ ಅಭಿಪ್ರಾಯ ಕೇಳಿ. ಗ್ಲಾಸ್‌ಡೋರ್‌ನಂತಹ ವೆಬ್‌ಸೈಟ್‌ಗಳಲ್ಲಿಯೂ ಕಂಪನಿಗಳ ವಿಮರ್ಶೆ ದೊರಕುತ್ತವೆ.
* ಸ್ಥಿರತೆ: ಆ ಕಂಪನಿಯಲ್ಲಿಉದ್ಯೋಗದ ಸ್ಥಿರತೆ ಮತ್ತು ಭದ್ರತೆಗಳನ್ನು ತಿಳಿದುಕೊಳ್ಳಿ.
* ಸವಾಲುಗಳು: ಸವಾಲುಗಳು ಇಲ್ಲದ ಆರಾಮದಾಯಕ ಉದ್ಯೋಗಕ್ಕೆ ಹೋಗಬೇಡಿ. ಸವಾಲುಗಳು ಇದ್ದರೆ ಮಾತ್ರ ನೀವು ಕರಿಯರ್‌ನಲ್ಲಿಪ್ರಗತಿ ಕಾಣಲು ಸಾಧ್ಯ.
* ಆರಾಮದಾಯಕತೆ: ಅನಿವಾರ‍್ಯ ಸಂದರ್ಭಗಳಲ್ಲಿವರ್ಕ್‌ ಫ್ರಂ ಹೋಂ ಮಾಡಬಹುದೇ? ಕೆಲಸದ ಪಾಳಿ ನಿಮಗೆ ಸೂಕ್ತವಾಗಿದೆಯೇ? ವಾರಾಂತ್ಯಗಳಲ್ಲಿಯೂ ಕೆಲಸ ಮಾಡಬೇಕೆ? ದಿನದಲ್ಲಿಹೆಚ್ಚುವರಿ ಅವಧಿ ಕೆಲಸ ಮಾಡಿಸುತ್ತಾರೆಯೇ? ಇತ್ಯಾದಿಗಳನ್ನು ತಿಳಿದುಕೊಳ್ಳಿ.
